ဆွန်းဂျူကတော့ အသက် ၃၉ နှစ်အရွယ်ရှိပြီး ကော်ပိုရေးရှင်းကြီးတစ်ခုရဲ့ စီအီးအိုတစ်ယောက်ဖြစ်ပါတယ်။ဉာဏ်ကြီးရှင်လို့ လူတွေသတ်မှတ်ထားကြတဲ့ ဆွန်းဂျူက တစ်ရက်မှာတော့ မတော်တဆသေဆုံးသွားခဲ့ပြီး စမတ်ဖုန်းတစ်ခုအဖြစ်ပြောင်းလဲသွားခဲ့ရှာတယ်။အင်ဆောင်းကတော့ အသက် ၂၉ နှစ်အရွယ်ရှိပြီး အလုပ်အကိုင်ရှာဖွေနေတဲ့ လူငယ်တစ်ယောက်ပါ။ တစ်ရက်မှာတော့ စမတ်ဖုန်းဖြစ်သွားတဲ့ စီအီးအိုကို အင်ဆောင်းက အမှတ်မထင် ကောက်ယူခဲ့မိတယ်။အဲဒီနောက်မှာတော့ စီအီးအိုဆွန်းဂျူကို သတ်တဲ့ တရားခံကို ရှာဖွေဖို့အတွက် အင်ဆောင်းက ကြိုးစားသွားရမှာပါ။စီအီးအိုဆွန်းဂျူတစ်ယောက် ဘာကြောင့်သေဆုံးသွားခဲ့လဲ?လူသတ်တရားခံကရော ဘယ်သူဖြစ်မလဲ? ဆိုတာကို ဒီဇာတ်လမ်းတွဲလေးမှာ ဆက်လက်ကြည့်ရှုရင်း အဖြေရှာလိုက်ကြစို့နော်။