Natalie Portman har teke av seg svanekostymet og Ashton Kutcher buksa, og igjen står No Strings Attached, ein film utan mykje substans.
Seinfeld tok det opp 1990-talet, og det har vore eit tema i tallause filmar og seriar: Omgrepet friends with benefits. I No Strings Attached er det Emma (Natalie Portman) og Adam (Ashton Kutcher) som gir det eit forsøk. Og det går som det må gå i eon linjeforma studiofilm, ting blir kompliserte.
Det er ei knapp veke siden eg såg filmen, men mesteparten har gått i gløymeboka allereie. Det er få ting å bite seg merke i. Skodespelet er greitt. Handlinga er grei og akkurat det eg forventa. Lengda er grei, og i løpet av filmen er det eit par greie vitsar og litt romantikk. No Strings Attached prøver å komme seg unna med eit moderne tema, men ser ikkje ut til å skjønne at han som film verken er nyskapande eller kontroversiell.
Problemet blir med denne som med mange andre romantiske komediar, han vil ingen anna veg enn ned i lommeboka og ut av verda.