မော်လီတို့မြို့လေးမှာ “ဟယ်ရစ်ဆင်န်” ဆိုတဲ့ ဖောင်ဒေးရှင်းတစ်ခုရှိပြီး လူထုအကျိုးပြု အဖွဲ့စည်းတစ်ခုဖြစ်တာကြောင့် တစ်နယ်လုံးက လူတွေဟာဖောင်ဒေးရှင်းကို ဦးဆောင်တဲ့ မိသားစုကို အလွန်ချစ်ခင်ကြပါတယ်။ ဖောင်ဒေးရှင်းကို လက်ရှိဦးဆောင်နေတာက ဂျီးန်ဟယ်ရစ်ဆင်န် ဆိုတဲ့ အမျိုးသမီးဖြစ်ပြီး တူဖြစ်သူ “ကာဆင်န်” ကို လုပ်ငန်းတွေလွှဲပေးပြီး အငြိမ်းစားယူဖို့ အကြံမျိုးစုံထုတ်နေသူလည်းဖြစ်ပါတယ်။ ဒါပေမဲ့ ပြဿနာရှိတာက ကာဆင်န်ဟာ ဖောင်ဒေးရှင်းကို ဦးဆောင်ဖို့ လုံးဝဝါသနာမပါဘဲ လွတ်လွတ်လပ်လပ် ကမ္ဘာပတ်လို့ရတဲ့ ဓာတ်ပုံဆရာအလုပ်ကိုသာ ခုံမင်သူတစ်ယောက် ဖြစ်နေပါတယ်။ဒီလိုနဲ့ တစ်နေ့မှာတော့ ဟယ်ရစ်ဆင်န် ဖောင်ဒေးရှင်းရဲ့ ခရစ်စမတ်ညစာစားပွဲအတွက် အကျွေးအမွေးတာဝန်ခံအဖြစ် မော်လီတို့ဆိုင်ကို ရွေးချယ်လိုက်တဲ့အခါ မော်လီနဲ့ ကာဆင်န်တို့ ရေစက်ဆုံဖို့ အကြောင်းဖန်လာပါတော့တယ်။ အဲဒီလို ကံဇာတ်ဆရာရဲ့ ကြိုးဆွဲမှုကြောင့် လောကကြီးကိုအမြဲတမ်း မှန်ဘီလူးကနေတဆင့်ပဲ ကြည့်တတ်တဲ့ ကာဆင်န်တစ်ယောက် သိပ်လှတဲ့ ထက်ထက်မြက်မြက် စားဖိုမှူးမလေး မော်လီ ကို ချစ်မိသွားတဲ့အခါ ဘာတွေဆက်ဖြစ်မလဲဆိုတာ ချမ်းစီးစီး ညချမ်းထဲ စောင်ကိုက်ရင်း ကြည့်လိုက်ကြပါဦးလို့