တယ်ရာဆိုတဲ့ကောင်မလေးက အမေရိကန်က တရုတ်လူမျိုးတစ်ယောက်ပေါ့။ သူတို့မိသားစုက စီးပွားရေးအဆင်ပြေလှတဲ့အထဲတော့မပါဘူး။ သူ့အမေက တရုတ်စားသောက်ဆိုင်လေးတစ်ဆိုင်ဖွင့်ထားတယ်။ သူကကျောင်းအားတဲ့အချိန် ဆိုင်မှာကူလုပ်တယ်၊ စားစရာအော်ဒါမှာရင် လိုက်ပို့ပေးတယ်ပေါ့။ သူ့မှာ ဒုစရိုက်မှုတွေနဲ့မကင်းတဲ့ အစ်ကိုတစ်ယောက်လည်းရှိသေးတယ်။ တယ်ရာက အလုပ်လုပ်ချင်ပေမဲ့ သူ့အမေကတော့ စာတော်တဲ့သူ့သမီးကို ကျောင်းစာမှာပဲအာရုံစိုက်စေချင်တယ်။ဒီလိုနဲ့တစ်နေ့တော့ တယ်ရာစားစရာသွားပို့ပေးရတဲ့နေရာက မူးယစ်ဆေးစပ်တဲ့ လုပ်ငန်းနေရာတစ်ခုဖြစ်နေတယ်။ နောက်တစ်နေ့မှာတော့ တယ်ရာက အဲနေရာကိုပြန်သွားပြီး သူ့ကိုဆိုရင် ရဲတွေသံသယမဝင်နိုင်တာကြောင့် ပစ္စည်းတွေကိုသူလိုက်ပို့ပေးမယ်၊ သူ့ကိုတော့ရာခိုင်နှုန်းနဲ့ပြန်ပေးရမယ်ဆိုပြီး ကမ်းလှမ်းခဲ့တယ်။ ဟိုဘက်ကလည်းသဘောတူပြီး တယ်ရာတစ်ယောက် မူးယစ်ဆေးတွေ လိုက်ပို့ပေးရတဲ့သူဖြစ်လာတော့တယ်။ တယ်ရာတစ်ယောက် ဒီအလုပ်ကို ဘေးကင်းကင်းနဲ့ ဘယ်လောက်အထိလုပ်နိုင်မှာလဲ။ သူ့မိသားစုကိုရော ထောက်ပံ့ပေးနိုင်လာမှာလား၊ ရှုပ်ထွေးတဲ့မူးယစ်လောကထဲမှာ ဘာတွေနဲ့ရင်ဆိုင်ရမလဲဆိုတာကို ကြည့်ရှုကြရမှာပါ။

To give her family a chance at a better life and save her family's failing restaurant, Tera Wong, a desperate 20-year-old Asian girl, parlays her Chinese food delivery expertise into a profitable drug hustle.