Barbie í Jólasögu (Jólasaga Barbie) er hrífandi fjölskyldumynd byggð á klassískri sögu Charles Dickens og er uppfull af upplífgandi jólasöngvum og skemmtilegheitum. Barbie fer með hlutverk hinnar glysgjörnu söngdívu Eden Starling sem er skærasta stjarna leikhúslífsins í London á 19. öld. Í frekju sinni ákveður Eden að allt leikhúsfólkið skuli æfa leikverk á sjálfan jóladag! Ekkert getur fengið Eden af þessari ákvörðun, æskuvinkona hennar og búningahönnuður, Catherine, getur meira að segja ekki fengið hana til að skipta um skoðun. Það kemur því í hlut þriggja óvenjulegra jólaanda að fara með Eden í ævintýralega ferð sem mun opna augu hennar og hjarta fyrir sönnum anda jólanna og þeirri gleði sem felst í því að gefa. Jólasaga Barbie er bráðskemmtileg mynd fyrir alla fjölskylduna sem kemur öllum í sannkallað jólaskap.